Recent Posts

Pupa Ngeina Taangthu
Published by Admin

Khanglui i pu i pate in, omkhop na leh, kimuh kituah khopna cih te, thu kikup cih te khat peuh a bawl ding ciang in, limtak kisam kikho ciatciat uh hi. Hih bang tualbawl ahi zongin, zehhun a hi zong in khatpeuh bawl ding ciang in, zu mah tawh na ki muak, in zu mah tawh na ki uap uh hi. Annekna, Sagawhna leh Zudawnna tawh maitang ki mutuah in kamkumkhawm lungsim khaubang hual khawm in, ngeina leh nunzia na zilh uh hi. Hih kimuhkhopna te pen, a tamzaw in 'tualbawl' na ci uh hi. Pawi cihpen Zokam hilo a Kawlkam 'pue' aa kizangh ahi hi. Khangluimi zawdeuhte in Pawi cilo hi. Mopi, Mosagawh, Omkhawm, Ankuang-umkhawm cih bangin kizang zaw hi. Sih ciangin Sihpawi cilo-a, Siphual, Simun peuh kici zaw hi. Khuado-pawi, Sialsawm-pawi kicilo-a, Khuado Lawmanne, Sialsawm-Lawmanne kici hi.

Read more

Rev. Job Thawngno
Published by Admin

A beisa hunah Pasian phatna dingin Tedim labu bek mah kizang hi. Hih Tedim Labu i cih pen Mikangte khanlawhna sunga kiphuak a kitei sawn ahi hi. Sia Vial Nang hun lai-a kipan, Sia Hau Go, Sia Kam Khaw Thang leh makai masate in tei-in a bu-in hong bawl uh hi. A tungin La dawng 15, 25 cih bang bek hi a, kibehlap toto-in tu-in dawng 400 val bang i nei hi. Biak piakna khempeuhah kizangin la dang kinei mel lo hi. Tu ni dongin hih late mah Pasian phatna leh biak piakna-ah kizang hi.

Ahi zongin kum 1970 Zogam khanlawhna hangin La lamah nakpi khantohna hong piang hi. Khanlawhna hangin la tampi kibehlapin, La tung tawnin khanlawhna zong piang hi.

Read more

Sukte Gamzai Kipatna - Part 1
Published by Admin

1. A pianna leh a neu lai thu: Nekzom’ tapa Kaihmaang in, Mualbem khua-ah Hausa a sep hun sungin Zaangthuk’ tapa Maangkim leh Pi. Lawmdim in, tapa khat nei uh a, a min Khanthuam a phuak uh hi. A nu a pate khan’ hun laitakin Teizaang khua-ah siah kai masate hilo uh hi. Teizaang khua a nasat masa Zahlang mi Bawihang in Mualbemah siah hong kai masa hi. Ama khan’ hun laitakin Tanlai Teizaang dong ukin siahlawh na kai ngei hi. Bawihang pen a pil na lam sangin thatang hatin a hangsan mi khat a hi hi. Tua hun laitakin Khamtungah mi kitam nailo-in khua khatah inn li inn nga khawng bek kiteng lingleng hi. Bawihang galhang a hihna hih bangin hi bangin la na om hi.

Read more

Sukte Gamzai Kipatna - Part 2
Published by Admin

2. Khanthuam in Rallang pan a galsimna: Hun khat ciangin Khanthuamte pata in thu kikupna hong nei uh a, amah that nuam a a zongzong Hausa 9 teng sim dingin vaihawmna hong nei hi. Tua thu Khuangceu leh a upate’ kiangah gen uh hi. Khuangceu in zong thukimpih a a kisam bangbang huh dingin kamciam pia hi. Khanthuamte pata zong nuam mahmah uh a hih manin galsim dingin hong kithawi pah uh hi. Amasa penin Mualbem khua sim masak ding hong sawm uh hi. Mualbem hausapa Kaihmaang’ kiangah kamtai khat paisak masa hi, Mualbemte in hih thu a zak ciangun kilemna bawl dingin mi khat paisak kik leuleu uh hi. Kaihmaang in tua kilemna thu gen dingpa’ maitang dingin zam hoih simsim khat puasak hi. Tua tawh kisai-in Kaihmaang in hi bangin la khat na phuak hi.

Read more

Sukte Independent
Published by Admin

Sukte Independent a phuankhiapa leh makaipa ahi Pu Hau Za Lian pen Sukte beh, Pu Sukte khang pan 14na, Pu Cin Thang pan khang 9na hi-in Suangzang khua ah Ukpi a sem Pu Pau Za Cin leh pi Zam Khaw Niangte tapa thumna hi a, 14.4.1912 ni-in Suangzang khua ah suak hi.

Pilna Sinna: Tedim Kawllai sangah 1920-1924 sung sin a, 1924 Pn 1927 sung tan 1 pan ta IV dong Tedim Anglo Vernacullar sangah 19271932 sung tan IV pan tan VII dong kah hi. Tan VII a on khit ciangin a pa kum tam khin ahih manin a pa’Ukpi [picture: Chin Levies with a captured Japanese flag] nasep huh in sangkah zom nawn lo hi.

Read more

ZBC Tangthu
Published by Admin

ZBC piankhiatna: 1899 in Carsonte Zogam hong tung a, 1953 kum in ZBC piang hi. 1948 kum a piang HBA, FBA, leh TBA kigawm ZBC kici ahi hi. Hih bangin Association thum a pian ma in Zogam bup a om Baptist Pawlpi khempeuh “All Chin-Hills Baptist Association” kici hi. 1919-1938 ciang Cope topa vaihawm “Tedim Kam Thu kizakna lai” zong “Chin Hills News” kici hi. 1940 kiim India gam sanggamte in zong “Mizo” a kicih hun pawl a kipan in “Chin” sangin “Zo” tawh kiminlawh ding ngaihsutna hong laang hi. Rev ST Hau Go US pan hong ciah ciangin Zogam pawlpite dinmun sangmangte in hong puahphat nop hun tawh kituak a, HBA, FBA lah TBA teng kipawlna khat neih ding hong gel uh hi. Tua vaihawmna a tangtun na dingin ZBC hong piang hi.

Read more

Zogam Tangthu
Published by Admin

Zogam (Chin Hills) pen a leitang tai patle 13,902 hi a, mihing pen 1974 kumin 354,000 pha dingin ki-ummawh hi. A gam buppi pen township 9 kisuah a, Tiddim, Tonzang, Falam, Thlantlang, Haka, Matupi, Paletwa, Mindat leh Kanpetlet kici a, Township Officer khat ta in uk hi.

Thangmual (Fortwhite), Inbuk, Bawipa, Lunmual, Awtaraw leh Khonu kicite mual minthangte hi a, lui min nei deuh pen, Gun, Ciau, Bawinu, Lemro, Mata leh Mong kicite hi. Lih pen bual lian pen hi.

Read more

Zomi Nam Ni
Published by Admin

Zo minam Ni pen Tuunkha (February) 20 ni-in kiciamteh hi. Hih ni pen muhna toi tawh hong piangkhia vat hilo-in minam leh gam itna lianpi tawh hong ki penkhia ahi hi. Hih Zomi Nam Ni hong piankhiatna thu pen thuk-in zai-a, zong sang mahmah hi. Hih ni pen Zomite adingin suahtakna, ki-it kilemna, minam vai leh cikmah cianga a mangthang ngei nawnlo ding Zomite tangthu mungpi khat ahi hi.

Zomite adingin Zomi Nam Ni a hong piankhiatna thu tel taka I theihtheih nadingin hih banga a hong piankhiatna tangthu tawmbeek I theihloh kiphamawh hi.

Read more

Thang Sian Khai (T.S.Khai)
Published by Admin

Pianna: “Zogam Lapu” ci-a min nei Sia Thang Sian Khai pen Pimpih khua-ah 23.2.1957 ni-in piang hi. Pimpih khua-ah Tan 4 a zawh ciangin 1968-1975 sung State High School Tedimah kahin tua panin Thuklai-ah kisuanin 1978 kumin Tan 10 Thuklai State High School panin a zo hi. 1978-1984 sung Rangoon University-ah kahin 1984 kumin B.A. (Philosophy) a zo hi.

Sumbawl lawhsam: Laisim a zawh ciangin sum bawl ding ngaihsunin Lamka lamah khualzin zel hi. Ahi zongin tuahsiatna tuak den ahih manin a lungkia hi.

Read more

Thawmte Mangsuum Tangthu
Published by Admin

Thu masa: Innpite ih cih pen Guite, Sukte leh Manlunte hi pen hi.
Laphuak siam a minthang Gualnamte Phungmaang’ hunin zong Tawmbingte tawm vei na mang uh hi.
Tawmbingte’ sangin Thawmte sawt na maang zaw uh hi. Sawt a maang pen cileng Guite mah ahi hi.
Sukte pen Khantuam’ khang pan a hong kipan ahi hi. A hih hangin Innpite’ lakah Sukte mah galhat penin vaihawm zong na zo pen uh hi. Tawl khat khit ciangin Guite’ uk sung a om khate in Guite beh hong ki cih ton uh om a, Sukte’ uk sung a omte Sukte beh a ki cih hun uh hong om mawk hi.
Ahi zongin India leh Myanmar in Maangkaangte’ khut sung panin (Independence) suahtakna hong lak uh ciangin, Guite beh taktak lote in Guite beh hong kici nuam nawnlo uh a, Sukte beh taktak lote in zong Sukte beh hong kici nuam nawnlo uh hi.

Read more
About eBooks:

Sian Tongluan laibu saal panin biakna, cidamna, tangthu, anhuan dan, lakam leh lamal cih dan a tuamtuam mipi simtheih dingin hong kikaikhawm ding a hong kisuaksak zel ding hi. Hi bang ka kaihkhopna a hangin theih huaithute theih ding, i minam, i tangthu leh i ngeina a beiloh nangin kepcing dingin ngeihsutna leh thu hoih tuamtuam i kihop sawn nop man ahi hi.

Theihsakna: Hih Sian Tongluan website sungah na gelhsa laite guan dingin na lunggulh a leh Thu Kizak Sakna panin hoih nasak laite hong puak in. Ahih kei a leh Sian Tongluan website sungah a kiguangsa na laigelhsate guan ding kilawm na sakloh a kiguangkha a omkhak zenzen a leh zong Thu Kizak Sakna mah panin hong zasak un cih kong thum hi.

Follow Us On: